Որպես զանգվածի հիմնական միավոր ընդունում են կիլոգրամը (կգ): Կիլոգրամից 1000 անգամ փոքր զանգվվածի միավորն անվանում են գրամ (գ), իսկ գրամից 1000 անգամ փոքր զանգվածի միավորն անվանում են միլիգրամ (մգ): 1 լ ջուրը 4 °C ջերմաստիճանի դեպքում ունի 1 կգ զանգված:
Տարբեր առարկաների զանգվածներ չափելու հաամար օգտագործում են կշեռք: Առարկայի զանգվածը կշեռքի միջոցով հաամեմատում են զանգվածի միավորների հետ։
Եթե կշեռքի մի նժարին դրված է առարկա, իսկ մյուսին՝ 1 կգ-անոց երեք կշռաքար և 500 գ-անոց մեկ կշռաքար, ու կշեռքը գտնվում է հավասարակշռության վիճակում, ապա ասում են, որ տվյալ առարկան ունի 3 կգ 500 գ զանգված։
Մեծ զանգվածներ չափելու համար գործածում են հետևյալ միավորները՝ տոննա (տ), ցենտներ (ց)։
1 ց հավասար է 100 կգ-ի, իսկ 1 տ հավասար է 1000 կգ-ի, ուրեմն, 1 տ հավասար է 10 ց-ի։