Եթե օդի ջերմաստիճանը եղել է -9°C, իսկ հետո փոփոխվել է 3°C-ով (այսինքն՝ բարձրացել է 3°C-ով), ապա այն դարձել է (-9) + 3 աստիճան:Կոորդինատային ուղղի միջոցով գումարենք -9 և 3 թվերը: Դրա համար պետք է B(-9) կետը տեղափոխել դեպի աջ 3 միավոր հատվածով: Կստանանք մի կետ, որը գտնվում է O կետից ձախ և հեռացված է նրանից 9 - 3 = 6 միավոր հատվածով, այսինքն՝ A(-6) կետը: Այսպիսով՝(-9) + 3 = - (9 - 3) = -6:ընդհանրապես, տարբեր նշաններ ունեցող երկու թվեր գումարելու համար պետք է այն թվի բացարձակ արժեքից, որն ավելի մեծ է, հանել փոքրը և ստացված թվի առջև դնել այն գումարելիի նշանը, որի բացարձակ արժեքը մեծ է:
Սովորաբար սկզբում որոշում և գրառում են գումարի նշանը, իսկ հետո՝ գտնում բացարձակ արժեքների տարբերությունը: Օրինակ.
ա) 65.1 + (-42.7) = +(65.1 - 42.7) = 22.4,
կարելի է կարճ՝
65.1 + (-42.7) = 65.1 - 42.7 = 22.4:
բ) (-35.3) + 74.6 = 74.6 - 35.3 = 39.3:
գ) 27.2 + (-34.7) = -(34.7 - 27.2) = -7.5:
դ) -67.3 + 32.8 = -(67.3 - 32.8) = -34.5:
Եթե 4 թվին ավելացնենք -4, ապա կստացվի 0:4 + (-4) = 0:Ընդհանրապես, երկու հակադիր թվերի գումարը հավասար է զրոյի: