Ջերմաստիճանը կարող է փոփոխվել երկու ուղղությամբ՝ բարձրանալ կամ իջնել: Օրինակ, առավոտյան ջերմաստիճանը եղել է 3°C, կեսօրին՝ 9°C, իսկ երեկոյան՝ 7°C: Օրվա առաջին կեսին ջերմաստիճանը բարձրացել է 6°C-ով, իսկ կեսօրից հետո իջել է 2°C-ով: Ջերմաստիճանի բարձրացումն արտահայտում են դրական թվերով, իսկ իջեցումը՝ բացասական: Այսպես, եթե ջերմաստիճանը բարձրացել է 6°C-ով, ապա կասենք, որ նա փոփոխվել է 6°C-ով, եթե ջերմաստիճանը իջել է 2°C-ով, ապա կասենք, որ նա փոփոխվել է -2°C-ով:Զսպանակի երկարությունը կարող է փոփոխվել երկու ուղղությամբ՝ մեծանալ կամ փոքրանալ: Երկարության մեծացումը արտահայտում են դրական թվերով, իսկ փոքրացումը՝ բացասական թվերով: Եթե զսպանակի երկարության փոփոխությունը -6մմ է, ապա դա նշանակում է, որ զսպանակի երկարությունը փոքրացել է 6մմ-ով: Եթե զսպանակի երկարության փոփոխությունը հավասար է 10մմ, ապա դա նշանակում է, որ զսպանակի երկարությունը մեծացել է 10մմ-ով:Եթե A(a) կետի կոորդինատը փոփոխվում է 6 միավորով, ապա այդ կետը տեղափոխվում է 6 միավորով դեպի աջ: Եթե A(a) կետի կոորդինատը փոփոխվում է -6-ով, ապա այդ կետը տեղափոխվում է 6 միավորով դեպի ձախ: