Երեկ սենյակում ջերմաչափը ցույց է տվել 18^oC, իսկ այսօր ցույց է տալիս 21^oC: Երեկ ավելի ցուրտ էր, քան այսօր: 18 թիվը փոքր է 21 թվից: Կարելի է գրել` 18<21: Կոորդինատային ուղղի վրա A(18) կետը գտնվում է B(21) կետից ձախ: Երեկ փողոցում ջերմաչափը ցույց է տվել -4<sup>o</sup>C, իսկ այսօր ցույց է տալիս -1<sup>o</sup>C: Երեկ ավելի ցուրտ էր, քան այսօր: Այդ պատճառով համարում են, որ -4 թիվը փոքր է -1 թվից: Կարելի է գրել.-4<-1Երկու թվերից փոքր է համարվում այն, որի պատկերը կոորդինատային ուղղի վրա դասավորված է ավելի ձախ, և մեծ է համարվում այն, որի պատկերը դասավորված է ավելի աջ: Օրինակ` -7.5<3, քանի որ A(7.5)-ը գտնվում է ավելի ձախ, քան B(3)-ը: 5>-41, քանի որ C(5)-ը գտնվում է ավելի աջ, քան D(-41)-ը:
Կոորդինատային ուղղի վրա դրական թվերը պատկերվում են զրոյից աջ, իսկ բացասականները` զրոյից ձախ: Ուրեմն, յուրաքանխյուր դրական թիվ մեծ է զրոյից, իսկ յուրաքանչյուր բացասական թիվ փոքր է զրոյից, ուստի յուրաքանչյուր բացասական թիվ փոքր է յուրաքանչյուր դրական թվից:
Եթե ուղղի վրա նշենք երկու բացասական թվեր, ապա ավելի ձախ կգտնվի այն թիվը, որի բացարձակ մեծությունը մեծ է: Ուստի երկու բացասական թվերից փոքր է այն թիվը, որի բացարձակ մեծությունը մեծ է, և մեծ է այն, որի բացարձակ մեծությունը փոքր է: