4 և -4 կոորդինատներ ունեցող կետերը հավասարապես են հեռացված O կետից և գտնվում են նրա տարբեր կողմերում: Նրանք համաչափ են O կետի նկատմամբ: O կետից այդ կետերը հասնելու համար պետք է անցնել հավասար հեռավորություններ, բայց հակադիր ուղղություններով: 4 և -4 թվերն անվանում են հակադիր թվեր: 4-ը հակադիր է -4-ին, իսկ -4-ը` 4-ին:
Ընդհանրապես, երկու թվեր, որոնք տարբերվում են մեկը մյուսից միայն նշանով, անվանում են հակադիր թվեր:
Օրինակ, հակադիր թվեր կլինեն 8-ը և -8-ը, 2.6-ը և -2.6-ը --ը և -ը:
Յուրաքանչյուր թվի համար կա նրան հակադիր միայն մեկ թիվ: Երկու հակադիր թվեր կոորդինատային ուղղի վրա պատկերվում են այնպիսի կետերով, որոնք համաչափ են հաշվման սկզբի նկատմամբ:
0 թիվը հակադիր է ինքն իրեն: a թվին հակադիր թիվը նշանակում են այսպես`-a: Եթե a = -7.8, ապա –a = 7.8, եթե a = 8.3, ապա –a = -8.3, եթե a = 0, ապա նաև -a = 0: "-(-15)" գրառումը նշանակում է այնպիսի թիվ, որը հակադիր է -15 թվին: Քանի որ -15-ին հակադիր թիվը հավասար է 15-ին, ապա –(-15)-ը հավասար է 15-ին:
Բնական թվերը, նրանց հակադիր թվերը և զրոն անվանում են ամբողջ թվեր: