Եթե տասնորդական կոտորակը բաժանենք 10-ի, իսկ հետո այն բազմապատկենք 10-ով, ապա կոտորակը չի փոխվի։ Բայց տասնորդական կոտորակը 10-ով բազմապատկելիս մենք ստորակետը տեղափոխում ենք մեկ նշան դեպի աջ, ուրեմն, 10-ի բաժանելիս պետք է ստորակետը տեղափոխել մեկ նշան դեպի ձախ։ Տասնորդական կոտորակը 100-ի բաժանելու համար նրա մեջ ստորակետը պետք է տեղափոխել երկու թվանշան դեպի ձախ։ Նման եղանակով տասնորդական կոտորակները բաժանում են 1000-ի, 10000-ի և այլն։
Տասնորդական կոտորակը 10-ի, 100-ի, 1000-ի և այլն բաժանելու համար պետք է այդ կոտորակի մեջ ստորակետը տեղափոխել դեպի ձախ 1, 2, 3 և այլն թվանշանով։
Այսպիսով, բաժանել 10-ի, 100-ի, 1000-ի և այլն, միևնույն է, թե բազմապատկել 0.1-ով, 0.01-ով, 0.001-ով և այլն։
Օրինակ 1. 4705.6-ը բաժանենք 1000-ի։ 1000 թվի գրառման մեջ պարունակվում է երեք զրո, ուստտի 4705.6 թվի մեջ ստորակետը տեղափոխենք երեք թվանշանով դեպի ձախ, կստանանք՝ 4705.6 : 1000 = 4.7056։
Օրինակ 2. 8.45-ը բաժանենք 100-ի։ Դրա համար պետք է 8.45 թվի մեջ ստորակետը տեղափոխել երկու թվանշանով դեպի ձախ։ Բայց այդ թվի մեջ ստորակետից դեպի ձախ միայն մեկ թվանշան կա, ուստի այդ թվի առջևում նախ գրում ենք երկու զրո, իսկ հետո տեղափոխում ստորակետը՝8.45 : 100 = 008.45 : 100 = 0.0845։