 |
|
|
|
 |
|
 Անկյուններ չափելու համար կիրառում են փոխադրիչ։ Փոխադրիչի սանդղակի գծիկները դասավորված են կիսաշրջանագծով, որի կենտրոնը փոխադրիչի վրա նշված է գծիկով (փոխադրիչի կենտրոն)։ Փոխադրիչի սանդղակի միջոցով O կենտրոն ունեցող փռված անկյունը կարելի է բաժանել 180 հավասար անկյունների։ Այն
| անկյունը, որը հավասար է փռված անկյան | | մասին, անվանում են |
աստիճան։ ° նշանը աստիճանի նշանակումն է։ Փոխադրիչի սանդղակի յուրաքանչյուր բաժանում հավասար է 1°-ի։
AOB անկյունը չափելու համար փոխադրիչը վերադրում ենք նրա վրա այնպես, ինչպես ցույց է տրված նկարում։ անկյան O գագաթը համընկնում է փոխադրիչի կենտրոնին, և մի կողմն անցնում է փոխադրիչի սանդղակի հաշվարկման սկզբով։ այդ դեպքում մյուս կողմը ցույց է տալիս AOB անկյան աստիճանային չափը, այսինքն՝ թե քանի աստիճան է պարունակում AOB անկյունը.∠AOB = 110°։ Փոխադրիչ կիրառում են նաև անկյուններ կառուցելու համար։ Դիցուք պահանջվում է կառուցել 50°-ի անկյուն այնպես, որ նրա կողմը լինի տրված KC ճառագայթը։
փոխադրիչը դնենք այնպես, որ նրա կենտրոնը կամընկնի ճառագայթի սկզբնակետին, իսկ KC ճառագայթն անցնի փոխադրիչի սանդղակի հաշվարկման սկզբով։ D կետը դնենք 50° նշումով գծիկի դիմաց և տանենք KD ժառագայթը։ Մենք կառուցեցինք 50°-ի CKD անկյունը, որը գտնվում է KC ուղղից վերև։ Կարելի է կառուցել նույնպիսի անկյուն նաև այդ ուղղից ներքև։
Իսկ եթե խնդրի պայմանում ցույց տրվեր, թե տրված ուղղի որ կողմում պետք է կառուցել CKD անկյունը, ապա խնդիրը կունենար միայն մեկ լուծում։
Ընդհանրապես, ցանկացած ճառագայթից տվյալ ուղղությամբ կարելի է առանձնացնել տվյալ աստիճանային չափի միայն մեկ անկյուն։
Հավասար աստիճանային չափեր ունեցող անկյուններն իրար հավասար են։ Եթե OM ճառագայթը AOB անկյունը բաժանում է AOM և MOB անկյունների, ապա AOB անկյան աստիճանային չափը հավասար է AOM և MOB անկյունների աստիճանային չափերի գումարին։
Եթե AOM անկյան աստիճանային չափը փոքր է POK անկյան աստիճանային չափից, ապա ասում են, որ AOM անկյունը փոքր է POK անկյունից կամ POK անկյունը մեծ է AOM անկյունից։ Գրում են.∠AOM < ∠ POK կամ ∠POK > ∠AOM։Ուղիղ անկյունը հավասար է 90 աստիճանի։ Ուղիղ անկյունից փոքր անկյունը կոչվում է սուր անկյուն, իսկ ուղիղ անկյունից մեծը՝ բութ անկյուն։
Այսպիսով,
եթե B անկյունը փռված է, ապա ∠B = 180°,
եթե B անկյունը բութ է, ապա 90° < ∠B < 180°,
եթե B անկյունը ուղիղ է, ապա ∠B = 90°,
եթե B անկյունը սուր է, ապա 0° < ∠B < 90°։ ABC եռանկյան մեջ բոլոր անկյունները սուր են։ Այդպիսի եռանկյունը կոչվում է սուրանկյուն։
ODE եռանկյան մեջ D անկյունը բութ է։ Այդպիսի եռանկյունը կոչվում է բութանկյուն։
MBA եռանկյան մեջ B անկյունը ուղիղ է։ Այդպիսի եռանկյունը կոչվում է ուղղանկյուն եռանկյուն։
Յուրաքանչյուր եռանկյուն կա՛մ սուրանկյուն է, կա՛մ ուղղաննկյուն, կա՛մ բութանկյուն։
|
|
|
|
|
|