Տանենք GH ուղիղը և նրա վրա նշենք O կետը։ OG և OH ճառագայթները միմյանց նկատմամբ լրացուցիչ են։ Նրանք կազմում են փռված անկյուն։
Այն անկյունը, որի կողմերը միմյանց նկատմամբ լրացուցիչ ճառագայթներ են, անվանում են փռված անկյուն։
Ժամը 6-ին ժամացույցի մեծ և փոքր սլաքները պատկերացում են տալիս փռված անկյան մասին:Եթե MOK փռված անկյան գագաթից տանենք OA ճառագայթը, որը կիսում է այդ անկյունը, ապա ստացված MOA և AOK անկյուններից յուրաքանչյուրն անվանում են ուղիղ անկյուն։
Ուղիղ անկյուն անվանում են փռված անկյան կեսը։
Ուղիղ անկյուն կարելի է ստանալ թուղթը երկու անգամ ծալելով։ Ուղիղ անկյուն կառուցելու համար օգտվում են գծագրական եռանկյունից:Օրինակ 1։ Կառուցենք ուղիղ անկյուն,եթե նրա կողմերից մեկը տրված OA ճառագայթն է։
Գծագրական եռանկյունը դնենք այնպես, որ ուղիղ անկյան գագաթը հաամընկնի O կետի հետ, իսկ կողմերից մեկը գնա OA ճառագայթով։ Մյուս կողմով տանենք OC ճառագայթը, կստանանք AOC ուղիղ անկյունը։ Խնդիրն ունի երկրորդ լուծում՝ գծագարակն եռանկյունը կցելով OA ճառագայթի մյուս կողմին, կստանանք AOB ուղիղ անկյունը։
Օրինակ 2։ Կառուցենք ABCD ուղղանկյունը, որի մեջ AD = 6 սմ և AB = 4 սմ։
Գծենք EF ուղիղը և նրա վրա առանձնացնենք 6 սմ երկարությամբ AD հատվածը։ Գծագրական եռանկյան միջոցով EF ուղղի միևնույն կողմի վրա կառուցենք NAF և MDF ուղիղ անկյունները։ AN ճառագայթի վրա առանձնացնենք 4 սմ երկարությամբ AB հատվածը և DM ճառագայթի վրա՝ 4 սմ երկարությամբ DC հատվածը։ Միացնելով B և C կետերը հատվածով՝ ստանում ենք որոնելի ABCD ուղղանկյունը։Օրինակ 3։ Տրված O կենտրոն ունեցող շրջանը բաժանենք 4 հավասար մասի։
Նախ տանենք AB տրամագիծը և գծագրական եռանկյան միջոցով կառուցենք COB ուղիղ անկյունը։ Այնուհետև գծենք OC ճառագայթին լրացուցիչ OD ճառագայթը։ OA, OC, OB և OD շառաջիղները շրջանը բաժանում են չորս հավասար մասի։