Հարթության վրա տանենք AB և AC երկու ճառագայթներ, որոնք ունեն A ընդհանուր սկիզբը։ Ստացված երկրաչափական պատկերն անվանում են անկյուն: AB և AC ճառագայթներն անվանում են այդ անկյան կողմեր, իսկ A կետը՝ անկյան գագաթ։
Անկյունը նշանակում են երեք տառով՝ BAC։ Անկյան անվանումը գրառելիս մեջտեղում գրվում է նրա գագաթը ցույց տվող տառը։
Անկյունը կարելի է նշանակել և մեկ տառով, որրը համարվում է նրա գագաթի անվանումը։ BAC անկյունը կարելի է նշանակել պարզապես A տառով։ Անկյուններ նշանակելիս "անկյուն" բառի փոխարեն գրում են ∠ նշանը, օրինակ՝ ∠BAC, ∠A։Անկյունները, ինչպես և բոլոր երկրաչափական պատկերները, բաղդատում են վերադրման միջոցով։ Եթե մի անկյուն կարելի է վերադրել մյուսի վրա այնպես, որ նրանք համընկնեն, ապա այդ անկյունները հավասար են։ Օրինակ՝ ∠ABC = ∠MNK։OK ճառագայթը COD անկյունը բաժանում է երկու անկյան՝ COK և KOD։ Եթե OK ճառագայթը AOC անկյունը բաժանում է երկու հավասար անկյան, ապա այդ OK ճառագայթն անվանում են AOC անկյան կիսորդ։
Անկյան կիսորդ կոչվում է այն ճառագայթը, որը ելնում է անկյան գագաթից և կիսում անկյունը։