Լուցկու տուփը, օճառի կտորը, աղյուսը պատկերացում են տալիս ուղղանկյուն զուգահեռանիստի մասին։ Ուղղանկյուն զուգահեռանիստի մակերևույթը բաղկացած է վեց ուղղանկյուններից։ Այդ ուղղանկյուններից յուրաքանչյուրը կոչվում է ուղղանկյուն զուգահեռանիստի նիստ։ Ուղղանկյուն զուգահեռանիստի մեջ հանդիպակաց նիստերը հավասար են։ Ուղղանկյունների կողմերը կոչվում են ուղղանկյուն զուգահեռանիստի կողեր։ Ուղղանկյուն զուգահեռանիստը ունի երեք չափում՝ երկարություն, լայնություն և բարձրություն։ Խորանարդը ուղղանկյուն զուգահեռանիստ է, որի բոլոր չափումները իրար հավասար են։