Երկրաչափությունն ուսումնասիրում է առարկաների ձևը և չափերը, բայց չի հետաքրքրվում նրանց գույնով, համով և այլն։ Ցույց տալու համար, որ երկրաչափությունը հետաքրքրվում է առարկաների միայն ձևով և չափերով, "առարկա" բառի փոխարեն ասում են պատկեր:Նկարում ուղղանկյուններն ունեն միևնույն չափերը։ Եթե դրանցից մեկը կտրենք, ապա այն կարելի է վերադրել մեկը մյուսի վրա այնպես, որ նրանք համընկնեն։ Երկրաչափությունում երկու պատկերներ, որոնք կարելի է վերադրել մեկը մյուսի վրա այնպես, որ նրանք համընկնեն, անվանում են հավասար:Նկարում շախմատի ձիեր ներկայացնող պատկերները հավասար են, իսկ գնդակները հավասար չեն, քանի որ տարբեր չափեր ունեն, թեև ձևով չեն տարբերվում։
Հավասար հատվածներն ունեն հավասար երկարություններ։ Եթե երկու հատվածների երկարությունները հավասար են, ապա հատվածները հավասար են։
Հավասար պատկերներն ունեն միևնույն մակերեսը։