4 երեխաների միջև 12 խնձորը կարելի է բաժանել հավասարապես՝ յուրաքանչյուրին տալով 3 խնձոր։ Իսկ 5 երեխաների միջև դրանք բաժանել չի հաջողվի. եթե խնձորները չկտրատենք, յուրաքանչյուրը կստանա 2 խնձոր , և էլի 2 խնձոր կմնա։ Ասում են, որ 4 թիվը 12 թվի բաժանարար է, իսկ 5 թիվը 12 թվի բաժանարար չէ։
a թվի բաժանարար կոչվում է այն թիվը, որի վրա a-ն բաժանվում է առանց մնացորդի։
1 թիվը ցանկացած բնական ծվի բաժանարար է, քանի որ ցանկացած բնական թիվ 1-ի բաժանվում է առանց մնացորդի։
12 թիվն ունի 6 բաժանարար.{1, 2, 3, 4, 6, 12}։Կան տուփեր, որոնցից յուրաքանչյուրի մեջ դրված է 8 թխվածքաբլիթ։ Առաաց տուփերը բացելու կարելի է վերցնել 16 թխվածքաբլիթ, բայց 17 թխվածքաբլիթ վերցնել անկարելի է։ 8, 16, 24 թվերը բաժանվում են 8-ի, իսկ 17 թիվը 8-ի չի բաժանվում։ Ասում են, որ 16 թիվը 8 թվին բազմապատիկ է, իսկ 17 թիվը 8 թվին բազմապատիկ չէ։
a թվի բազմապատիկ կոչվում է այն թիվը, որը a-ի բաժանվում է առանց մնացորդի։
0 թիվը ցանկացած բնական թվի բազմապատիկ է, քանի որ 0-ն առանց մնացորդի բաժանվում է ցանկացած բնական թվի վրա։
Ցանկացած թիվ որքան կամենաք բազմապատիկներ ունի։
Օրինակ, 8-ին բազմապատիկ առաջին 5 թվերն այսպիսին են՝ 0, 8, 16, 24, 32։