Խնդիր 1. Հանգստյան տուն բերեցին 12 արկղ նարինջ, յուրաքանչյուր արկղում՝ 75 նարինջ։ Քանի՞ նարինջ բերեցին հանգստյան տուն։
Այս խնդիրը լուծվում է բազմապատկումով՝ 75 * 12 = 900։ Ուրեմն, հանգստյան տուն բերեցին 900 նարինջ։
Այժմ լուծենք ուրիշ խնդիր։
Խնդիր 2. Հանգստյան տուն բերեցին 12 արկղ նարինջ՝ ընդամենը 900 նարինջ։ Քանի՞ նարինջ կար յուրաքանչյուր արկղում։
Մենք պետք է գտնենք այնպիսի x թիվ, որ x * 12 = 900։ Այդ թիվը 75-ն է։ Մենք գտանք 75 թիվը, որը 12-ով բազմապատկելիս ստացվում է 900։ Այս դեպքում 75 թիվն անվանում են 900 և 12 թվերի քանորդ և գրում են.900 : 12 = 75։Յուրաքանչյուր արկղում եղել է 75 նարինջ։
Ընդհանրապես, a թիվը բաժանել b թվի՝ նշանակում է գտնել այնպիսի x թիվ, որ b-ով բազմապատկելիս ստացվում է a.x * b = ax թիվն անվանում են a և b թվերի քանորդ, a թիվն անվանում են բաժանելի, իսկ b թիվը՝ բաժանարար։
Այսպիսով, եթե x * b = a, ապա a : b = x։ Ուրեմն, անհայտ բազմապատկիչը գտնելու համար պետք է արտադրյալը բաժանել երկրորդ բազմապատկիչի վրա։
Քանի որ 1 * a = a, ապա ըստ բաժանման իմաստի ունենք.a : 1 = a և a : a = 1Քանի որ 0 * a = 0, 0 : a = 0։
Ոչ մի թիվ չի կարելի բաժանել զրոյի։ Չէ՞ որ բաժանել, օրինակ, 6-ը 0-ի՝ նշանակում է գտնել այնպիսի x թիվ, որի դեպքում 0 * x = 6։ Իսկ x-ի ցանկացած արժեքի դեպքում 0 * x արտադրյալը հավասար է 0-ի և ոչ թե 6-ի։ Ուրեմն, 6-ը 0-ի բաժանել հնարավոր չէ։
0-ն նույնպես չի կարելի բաժանել 0-ի։ Չէ՞ որ 0-ն բաժանել 0-ի՝ նշանակում է գտնել այնպիսի x թիվ, որ 0 * x = 0։ Ինչպիսի x թիվ էլ վերցնելու լինենք, այս հավասարությունը կլինի ճիշտ։ Ուստի x-ի որոշակի արժեք հնարավոր չէ ցույց տալ։
0-ի վրա բաժանել չի կարելի:
Բաժանումը կիրառում են շատ խնդիրներ լուծելիս։ Քննարկենք դրանցից մի քանիսը։
12 սմ երկարությամբ AB հատվածը բաժանված է 6 հավասար մասերի։ Յուրաքանչյուր մասի երկարություն հավասար է 12 : 6 = 2 սմ։

72 կգ ալյուրը լցրին տոպրակների մեջ, յուրաքանչյուր տոպրակում՝ 3 կգ։ Դրա համար պահանջվեց 72 : 3 = 24 տոպրակ։

Մայրը 28 տարեկան է, և նա իր աղջկանից 7 անգամ մեծ է։ Ուրեմն, աղջիկը 28 : 7 = 4 տարեկան է։

Մի բիդոնում կա 12 լ կաթ, իսկ մյուսում՝ 4 անգամ քիչ։ Ուրեմն, երկրորդ բիդոնում լցված է 12 : 4 = 3 լիտր կաթ։

Գիրքն արժե 1200 դրամ, իսկ ընդհանուր տետրը՝ 200 դրամ։ Ուրեմն, գիրքը թանկ է տետրից, կամ տետրը էժան է գրքից 1200 : 200 = 6 անգամ։

Լուծենք x : 8 = 13 հավասարումը, այսինքն, գտնենք անհայտ բաժանելին։ Ըստ բաժանման իմաաստի՝ x = 13 * 8, կամ x = 104։
Ընդհանրապես, եթե x : b = c, ապա x = b * c։
Անհայտ բաժանելին գտնելու համար պետք է քանորդը բազմապատկել բաժանարարով։
Լուծենք 42 : x = 6 հավասարումը, այսինքն՝ գտնենք անհայտ բաժանարարը։ Ըստ բաժանման իմաստի՝ x * 6 = 42։ Բայց անհայտ բազմապատկիչը հավասար է արտադրյալը մյուս բազմապատկիչի վրա բաժանելուց ստացված քանորդին։ Ուրեմն, x = 42 : 6, կամ x = 7։
Ընդհանրապես, եթե a : x = c, ապա x = a : c։
Անհայտ բաժանարարը գտնելու համար պետք է բաժանելին բաժանել քանորդի վրա։