Լուծենք երկու խնդիր` կազմելով արտահայտություն:
Խնդիր 1. Գնացքն ընթացել է երկու օր: Առաջին օրը նա անցել է 980 կմ, իսկ երկրորդ օրը` 50 կմ-ով ավելի: Քանի կիլոմետր է անցել գնացքը երկու օրում:
Այս խնդրի լուծման արտահայտությունը կլինի`980 + ( 980 + 50 )Խնդիր 2. Գնացքն ընթացել է երկու օր: Առաջին օրը նա անցել է 980 կմ, իսկ երկրորդ օրը` 65 կմ-ով ավելի: Քանի կիլոմետր է անցել գնացքը երկու օրում:
Այս խնդրի լուծման արտահայտությունը կլինի`980 + ( 980 + 65 )Այս խնդիրների մեջ բոլորը նույնն են, բացի այն, որ երկրորդ խնդրի մեջ 50 թիվը փոխարինված է 65 թվով: Եթե 50-ի փոխարեն վերցնենք 80 թիվը, ապա կստանանք նոր խնդիր, որի լուծման արտահայտությունը կլինի`980 + ( 980 + 80 )Ամեն անգամ խնդիրը նորից չլուծելու համար, այն թիվը, որը փոփոխվում է, նշանակենք, օրինակ, m տառով: Այդ դեպքում այդ խնդիրները կարելի է միավորել մեկի մեջ.
Գնացքն ընթացել է երկու օր: Առաջին օրը նա անցել է 980 կմ, իսկ երկրորդ օրը` m կմ-ով ավելի: Քանի կիլոմետր է անցել գնացքը երկու օրում:
Այս խնդրի լուծման արտահայտությունը կլինի`980 + ( 980 + m )Եթե m տառի փոխարեն տեղադրենք 65 թիվը, ապա կստանանք երկրորդ խնդրի լուծումը: Այն արտահայտությունը, որը պարունակում է տառեր, անվանում են տառային արտահայտություն
980 + ( 980 + m ) արտահայտության մեջ m-ի փոխարեն տեղադրենք 50 թիվը, կստանանք 980 + ( 980 + 50 ) թվային արտահայտությունը, որի արժեքը հավասար է 2010-ի: Իսկ եթե m-ի փոխարեն տեղադրենք 65 թիվը, կստանանք 980 + ( 980 + 65 ) թվային արտահայտությունը, որի արժեքը հավասար է 2025-ի:
եթե m = 50, ապա 980 + ( 980 + m ) = 2010,
եթե m = 65, ապա 980 + ( 980 + m ) = 2025: