Խնդիրներ լուծելիս երբեմն միայն նշում են գործողությունները, իսկ դրանք կատարում են հետո: Ստացվում են գրառումներ, որոնք անվանում են Թվային արտահայտություններ:
Խնդիր: Բակը բարեկարգելու համար առաջին օրը բերեցին 5 մեքենա ավազ, իսկ երկրորդ օրը` 2 մեքենա ավելի: Քանի՞ մեքենա ավազ բերեցին երկու օրում:
Երկրորդ օրը բերեցին 5 + 2 մեքենա ավազ, ուրեմն երկու օրում բերեցին 5 + ( 5 + 2 ) մեքենա ավազ:
Խնդիրը լուծելու համար կազմեցինք 5 + ( 5 + 2 ) թվային արտահայտությունը: Եթե կատարենք այդ գործողությունները, ապա կստանանք 12 թիվը, որն անվանում են
արտահայտության արժեք: Արտահայտության արժեքը խնդրի հարցի պատասխանն է` բերեցին 12 մեքենա ավազ:
Երկու թվային արտահայտություններ կարող են ունենալ նույն արժեքները: Օրինակ, 14 + 27 = 41 և ( 8 + 29 ) + 4 = 41:
Այդ դեպքում գրում են`14 + 27 = ( 8 + 29 ) + 4Թվային արտահայտությունները կարող են ունենալ նաև տարբեր արժեքներ: Օրինակ.
35 + ( 12 + 47 ) = 94, իսկ ( 25 + 11 ) + 47 = 83: Քանի որ 94 > 83. ապա գրում են`35 + ( 12 + 47 ) > ( 25 + 11 ) + 47կամ( 25 + 11 ) + 47 < 35 + ( 12 + 47 ):