Մի բանվոր հերթափոխի ընթացքում խառատային հաստոցով տաշեց 56 դետալ, իսկ երկրորդը՝ 48 դետալ: Իմանալու համար, թե երկու բանվորը միասին քանի՞ դետալ են մշակել հերթափոխի ընթացքում, պետք է գումարել 56 և 48 թվերը.56 + 48 = 104 դետալՊատասխան. 104 դետալ:
Երկու բնական թվեր գումարելիս ստացվում է նոր բնական թիվ, որն անվանում են այդ թվերի գումար: Այն թվերը, որոնք գումարում են, կոչվում են գումարելիներ: 56 + 48 = 104 գրառման մեջ 56 և 48 թվերը գումարելիներ են, 104 թիվը՝ գումար:Բնական թվերի գումարումը կարելի է պատկերել կոորդինատային ճառագայթի վրա: Դիցուք պահանջվում է գումարել 1 և 6 թվերը: Ճառագայթի վրա նշենք A(1) կետը: Այս կետից դեպի աջ հաշվում ենք 6 միավոր հատված, ստանում ենք B(7) կետը: Ուրեմն` 1 + 6 = 7Մենք գիտենք, որ եթե հատվածը բաժանված է մասերի, ապա ամբողջ հատվածի երկարությունը հավասար է նրա մասերի երկարությունների գումարին: Դա ճիշտ է նաև մակերեսների համար:
Եթե պատկերը բաժանված է մասերի, ապա ամբողջ պատկերի մակերեսը հավասար է նրա մասերի մակերեսների գումարին:
EC հատվածը նկարում տրոհում է պատկերը ABCD ուղղանկյան և EFMN քառակուսու: Դիցուք ABCD ուղղանկյան մակերեսը հավասար է 6 սմ², իսկ EFMN քառակուսու մակերեսը՝ 4 սմ²: Քանի որ 6 + 4 = 10, ապա ամբողջ պատկերի մակերեսը հավասար է 10 սմ²:
Քննարկենք գումարման միջոցով լուծվող ևս մի քանի խնդիր:
Ուսումնական տարվա սկզբին Մհերի հասակը 145սմ էր, իսկ տարեվերջին նրա հասակը ավելացավ 4սմ-ով: Քանի որ 145 + 4 = 149, ապա տարեվերջին Մհերի հասակը դարձավ 149սմ:
Երկու զամբյուղի մեջ սալոր լցրին: Առաջին զամբյուղում լցրին 8 կգ սալոր, որը 3 կգ-ով քիչ էր երկրորդ զամբյուղի մեջ լցրածից: Քանի որ 8 + 3 = 11, ապա երկրորդ զամբյուղում լցրին 11 կգ սալոր: