Գծենք OX ճառագայթն այնպես, որ այն գնա ձախից աջ: Այդ ճառագայթի վրա նշենք որևէ E կետ: Ճառագայթի սկզբում գրենք 0 թիվը, իսկ E կետի վերևում՝ 1 թիվը: OE հատվածը կանվանենք միավոր հատված:
Ճառագայթի վրա 2 թիվը նշելու համար պետք է ճառագայթի սկզբից իրար ետևից առանձնացնել երկու միավոր հատված: 3 թիվը նշելու համար պետք է առանձնացնել երեք միավոր հատված: Քանի որ ճառագայթը վերջ չունի, ուստի ցանկացած թվի համար նրա վրա տեղ կգտնվի: Արդյունքում ստացվում է անվերջ սանդղակ: Այն անվանում են կոորդինատային ճառագայթ: Նկարում A կետին համապատասխանում է 7 թիվը: Այս 7 թիվը կոչվում է կետի կոորդինատ և գրվում է՝ A(7):