Գրապահարանի ապակու b հաստությունը և a երկարությունը չափելիս ստացել են հետևյալ արդյունքները.b ≈ 0.4 մինչև 0.1 ճշտությամբ,
a ≈ 100.0 մինչև 0.1 ճշտությամբ:Այդ չափումներից յուրաքանչյուրի բացարձակ սխալը չի գերազանցում 0.1-ը: Սակայն 0.1-ը 0.4 թվի համար էական մաս է, իսկ 100 թվի համար՝ չնչին մաս: Դա ցույց է տալիս, որ երկրորդ չափման որակն անհամեմատ բարձր է, քան առաջինինը: Չափման որակը գնահատելու համար օգտագործվում է մոտավոր արժեքի հարաբերական սխալը:
Սահմանում: Մոտավոր արժեքի հարաբերական սխալ կոչվում է բացարձակ սխալի հարաբերությունը մոտավոր արժեքի բացարձակ մեծությանը:
Հարաբերական սխալն ընդունված է արտահայտել տոկոսներով:
Օրինակ: 14.7 կոտորակը կլորացնենք մինչև ամբողջ մաս և գտնենք մոտավոր արժեքի հարաբերական սխալը.14.7 ≈ 15,

|14.7 - 15| |15|

= |-0.3| 15 = 0.3 15 = 0.02 = 2%:

Հարաբերական սխալը հաշվելու համար բացի մոտավոր արժեքից անհրաժեշտ է իմանալ նաև բացարձակ սխալը: Սովորաբար բացարձակ սխալն անհայտ է լինում, ուստի հարաբերական սխալը հնարավոր չի լինում հաշվել: Այսպիսի դեպքերում սահմանափակվում են հարաբերական սխալը գնահատելով:
Վերադառնանք գրապահարանի ապակու b հաստությանը և a երկարությանը հաշվելու վերոհիշյալ օրինակին:
Չափելիս գտել էին, որ b ≈ 0.4 մինչև 0.1 ճշտությամբ, այսինքն՝ չափման բացարձակ սխալը չի գերազանցում 0.1-ը: Նշանակում է՝ բացարձակ սխալի հարաբերությունը մոտավոր արժեքին փոքր է կամ հավասար՝

0.1 0.4

= 0.25 = 25%,

այսինքն՝ մոտավորության հարաբերական սխալը չի գերազանցում 25%-ը:
Նույն կերպ գտնում ենք, որ գրապահարանի երկարությունը չափելիս ստացված մոտավոր արժեքի հարաբերական սխալը չի գերազանցում՝

0.1 100

= 0.001 = 0.1%:

Ասում են, որ առաջին դեպքում չափումը կատարվել է մինչև 25% հարաբերական ճշտությամբ, իսկ երկրորդ դեպքում՝ մինչև 0.1% հարաբերական ճշտությամբ: