Նկարում պատկերված են A և B կետերը: Եթե քանոնով A-ից B գիծ տանենք, ապա կստանանք հատված: A և B կետերն անվանում են այդ հատվածի ծայրակետեր, իսկ հատվածն ինքը` "AB հատված", կամ "BA հատված":
Երկու ցանկացած կետեր միշտ կարելի է միացնել միայն մեկ հատվածով:
AB հատվածի ցանկացած X կետ այդ հատվածը բաժանում է AX և XB երկու հատվածների: AB, BC, CD և DE հատվածները միասին կազմում են ABCDE բեկյալ գիծը: Այդ հատվածներն անվանում են բեկյալի կողմեր:MK, KD և DM հատվածները միասին կազմում են MKD եռանկյունը: Այդ հատվածներն անվանում են MKD եռանկյան կողմեր, M, K և D կետերը` MKD եռանկյան գագաթներ:
DEFK քառանկյունն ունի չորս կողմ և չորս գագաթ, իսկ MNOPTS վեցանկյունը` վեց կողմ և վեց գագաթ: Այս պատկերներն անվանում են բազմանկյուններ: