Շարժվելով 60 կմ/ժ արագությամբ ավտոմոբիլը 2 ժամում կանցնի 60*2 կմ, 3 ժամում` 60*3 կմ, 5 ժամում` 60*5 կմ: Ընդհանրապես t ժամում նա կանցնի 60*t կմ: Փոփոխելով t-ի արժեքը, կարող ենք 60*t արտահայտությունով գտնել տարբեր ժամանակամիջոցներում ավտոմոբիլի անցած ճանապարհը: Դրա համար բավական է t տառի փոխարեն տեղադրել նրա արժեքը և բազմապատկել: 60*t արտահայտության մեջ t տառը անվանում են փոփոխական, իսկ 60*t արտահայտությունը` փոփոխականով արտահայտություն:
Բերենք ևս մեկ օրինակ: Դիցուք ուղղանկյան կողմերի երկարությունները հավասար են a սմ և b սմ: Այդ դեպքում նրա մակերեսը հավասար է a*b սմ<sup>2</sup>: a*b արտահայտությունը պարունակում է երկու փոփոխական` a և b: Այդ արտահայտությունը ցույց է տալիս, թե ինչպես գտնել ուղղանկյան մակերեսը a-ի և b-ի զանազան արժեքների դեպքում: Օրինակ`
Եթե a=8 և b=11, ապա a*b = 8*11 = 88
Եթե a=25 և b=4, ապա a*b = 25*4 = 100
Եթե փոփոխականներով արտահայտության մեջ յուրաքանչյուր փոփոխականի փոխարեն տեղադրենք նրա որևէ արժեք, ապա կստացվի թվային արտահայտություն: Այդ արտահայտության արժեքը անվանում են փոփոխականներով արտահայտության արժեք` փոփոխականների տվյալ արժեքների դեպքում:
Այսպես` 88 թիվը a*b արտահայտության արժեքն է, երբ a=8 և b=11, 100 թիվը այդ արտահայտության արժեքն է , երբ a=25 և b=4:

Դիտարկենք

b b-3

արտահայտությունը: Ցանկացած b≠3 դեպքում

կարելի է գտնել նրա արժեքը:

Օրինակ` եթե b=13, ապա

b b - 3 = 13 13 - 3 = 13 10

= 1.3:

b=3 դեպքում այդ արտահայտության արժեքը անկարելի է գտնել, քանի որ այդ դեպքում b-3 բաժանարարը հավասար է 0-ի: Ասում ենք,

որ b-ն հավասար չէ 3 դեպքում

b b - 3

արտահայտությունը

իմաստ ունի, իսկ b=3 դեպքում` իմաստ չունի:
Որոշ արտահայտություններ իմաստ ունեն փոփոխականների բոլոր արժեքների դեպքում: Այդպիսի արտահայտությունների օրինակներ

են x*(x+1), a*y-4, a2-

10 3

արտահայտությունները:

Փոփոխականներով արտահայտություններն օգտագործում են բանաձևեր գրելու համար:
Դիտարկենք, օրինակ, զույգ թվի բանաձևը: ցանկացած m զույգ թիվ կարելի է ներկայացնել 2 թվի և n ամբեղջ թվի արտադրյալի տեսքով, այսինքն`
m = 2*nԵթե այդ բանաձևի մեջ n-ի փոխարեն ամբողջ թվեր տեղադրենք, ապա m փոփոխականի արժեքները կլինեն զույգ թվեր: m = 2*n բանաձևն անվանում են զույգ թվի բանաձև:
m = 2*n + 1 բանաձևը, որտեղ n-ը ամբողջ թիվ է, անվանում են կենտ թվի բանաձև:
Զույգ թվի բանաձևին համանման կարելի է գրել այն թվի բանաձևը, որը բազմապատիկ է ցանկացած այլ բնական թվի:
Օրինակ` 3-ին բազմապատիկ թվի բանաձևը գրվում է այսպես`m = 3*nորտեղ n-ը ամբողջ թիվ է: