Վերցնենք կլոր բաժակ, դնենք թղթի թերթի վրա և մատիտով եզրագծենք: Թղթի վրա կստացվի շրջանագիծ: Եթե բաժակը թելով ‘գոտևորենք’ և հետո թելն ուղղենք, ապա նրա երկարությունը մոտավորապես հավասար կլինի շրջանագծի երկարությանը: Որքան մեծ է շրջանագծի երկարությունը, այնքան մեծ է նրա երկարությունը: Բոլոր շրջանագծերի համար շրջանագծի երկարության հարաբերությունը նրա տրամագծի երկարությանը միևնույն թիվն է: Այդ թիվը նշանակում են հունարեն π տառով (կարդացվում է՝ ‘պի’): Եթե շրջանագծի երկարությունը նշանակենք C տառով, իսկ տրամագծի երկարությունը d տառով, ապա C : d = π: Հետևաբար՝C = π * d:Քանի որ շրջանագծի տրամագիծը երկու անգամ մեծ է շառավղից, ապա r շառավղով շրջանագծի երկարությունը հավասար է 2πr: Շրջանագծի երկարության համար ստացանք մի այլ բանաձև՝C = 2πr:Հաշվումներով ցույց է տրված, որ մինչև տասհազարերորդականի ճշտությամբ π ≈ 3.1416: Մոտավորապես այդպիսի ճշտություն է տալիս π ≈ 22 : 7 արժեքը: Բարձր դասարաններում կպատմվի, թե ինչպես են կատարվել այդ հաշվումները: